സ്വന്തം ലേഖകൻ
വ്ലാത്താങ്കര: നെയ്യാറ്റിൻകര രൂപതയിലെ പ്രശസ്ത മരിയൻ തീർത്ഥാടന കേന്ദ്രമായ വ്ലാത്താങ്കര ഫെറോന പള്ളിയിൽ ഈ വർഷത്തെ തീർത്ഥാടനത്തോട് അനുബന്ധിച്ച് പത്രസമ്മേളനം സംഘടിപ്പിച്ചു. ജൂലൈ 28 ചൊവ്വാഴ്ച രാവിലെ 11 ന് ഇടവക വികാരി ഫാ.ജോയ് സി. അധ്യക്ഷതവഹിച്ച സമ്മേളനത്തിൽ വിവിധ പത്രമാധ്യമ പ്രവർത്തകർ പങ്കെടുത്തു.
ആഗസ്റ്റ് 6 മുതൽ 22 വരെ നടക്കുന്ന തീർത്ഥാടന ദിനങ്ങളിൽ എല്ലാ ദിവസവും KSRTC സ്പെഷ്യൽബസ് സർവീസ് ഉണ്ടായിരിക്കുമെന്നും ഗ്രീൻ പ്രോട്ടോകോൾ അനുസരിച്ചാണ് ഈ വർഷത്തെ തീർത്ഥാടനം ക്രമീകരിച്ചിരിക്കുന്നതെന്നും ഇടവക വികാരി അറിയിച്ചു. യോഗത്തിൽ ഇടവക പാരിഷ് കൗൺസിൽ അംഗങ്ങൾ പങ്കെടുത്തു.
ആഘോഷകരമായ ദിവ്യബലി, ബൈബിൾ പാരായണം, ബൈബിൾ കൺവെൻഷൻ, സന്ധ്യാവന്ദനം, ദിവ്യകാരുണ്യ ആരാധനാ, തിരുസ്വരൂപ പ്രദക്ഷിണം, സംഗീതസന്ധ്യ, വാർഷികങ്ങൾ തുടങ്ങിയവ തീർത്ഥാടനത്തിന്റെ ഭാഗമായി നടക്കും.
