അനൂപ് എ.സി.
തിരുപുറം: ആത്മീയ ആഘോഷത്തിന്റെ തിരികൊളുത്തികൊണ്ട് തിരുപുറം സെയിന്റ് ഫ്രാൻസിസ് സേവ്യർ പള്ളിയി തിരുനാളിന് തുടക്കമായി. നവംബർ 28 വെള്ളിയാഴ്ച്ച വിൻസെന്റ് സാമുവൽ പിതാവിന്റെ സാന്നിധ്യത്തിൽ ഇടവക വിശ്വാസ സമൂഹത്തോടൊപ്പം ഇടവക വികാരി ഫാ.ജിബിൻ രാജ് കോടിയേറ്റി കൊണ്ടാണ് തിരുനാൾ ആഘോഷങ്ങൾക്ക് തുടക്കം കുറിച്ചത്.
തിരുനാൾ ദിവ്യബലിയിൽ അഭിവന്ദ്യ വിൻസെന്റ് സാമുവൽ പിതാവ് മുഖ്യകാർമികത്വം വഹിച്ചു. ഓരോ തിരുനാളും സഭയോട് കൂടുതൽ അടുക്കുവാൻ നമ്മെ സഹായിക്കുന്നു എന്ന വസ്തുത പിതാവ് വ്യക്തമാക്കി.
തിരുനാൾ ആരംഭ ദിവ്യബലിക്ക് ശേഷം സ്നേഹത്തിന്റെയും കൂട്ടായ്മയുടെയും അടയാളമായ സ്നേഹവിരുന്നും ക്രമീകരിച്ചിരുന്നു. തിരുനാളിനു മുന്നോടിയായി നടന്ന ബൈബിൾ കൺവെൻഷൻ വിശ്വാസികളിൽ കൂടുതൽ തീക്ഷ്ണത സൃഷ്ടിച്ചിട്ടുണ്ട്.
